مرحبا ،
الشهر اللي فات كان متعب والمجهود خرافي! على الكل عشان الإختبارات
وعلي عشان الإختبارات و إفتتاح محل " هاله كلوزت "
بالإضافة للبلوق
بس الحمدلله النتايج مرضية من كل النواحي هههههههه
فـ مفضلاتي هالشهر بسيطة لكن منقذة
وكلها أنصحكم فيها ..
هذي الماركة إسمها Vipera
هي كُشك ميك أب كان موجود في دبي والآن فاتح في حياة مول ( مقابل باريس قاليري )
مره حبيت أرواجهم وراح أرجع آخذ كم لون!
هذا رقمه ( 5 ) ناعم وجمييل
وغير كذا ريحته مره مرررره حلوة! أوكي أعرف إني ويرد بس أحب ريحة الميك أب!
وأحسه يرطب شوي
سعره 45 إذا ما خاب ظني
نصيحة جربوه ..
كمان جربت الآي لاينر والماسكارا من نفس الماركة
الآي لاينر ريشته حلوة للرسم مره عجبني
والماسكارا عادية! قالي انها ب زيت الخروع .. يعني أحسها إستخدام يومي للجامعة وكذا
مجموعة الفانيلا من باث آند بدي ووركس
عطر و لوشن
حلوين للبيت وريحتهم ج م ي ل ة
صارلي فترة طوييييييلة معلقة على شامبوهات قارنيه .. وبصراحة لاحظت شعري صاير تعبان
معروف إن الصحي تغيرين الشامبو من فترة لفترة
فـ رحت لـ لوريال
هذا بزيت أركان معروفة فوايده للشعر
و عجبني الشامبو مكملة عليه ..
بديل الزيت الغني عن التعريف! منقطعة عنه من زمان فـ نسيت قد إيش هو حلو
برضو كنت أستخدم قارنيه وقررت أغير
مرطب الشفايف
EOS
واحد : يرطب مره زين
اثنين : ريحته حلوه
ثلاثه : شكله جميل! هههههه
من متجر فانيلا
لوني المفضل .. هالشهر وكل شهر! أحسه كلاسك ويناسب أي شي وأي وقت وأي مناسبة
ويناسب أي لون بشرة! جميل باختصار
من صيدلية وايتس
آخر شي البي بي كريم من مايبيلين
حتى في هذا كنت أستخدم قارنيه وقررت أغير مدري وش جاني عليهم ههههه
بصراحة فرق .. هذا أحسن بكثير
هذي مفضلاتي هالشهر ..
وللشهر الجاي Stay Gorgeous
XoXo
ليست هناك تعليقات:
إرسال تعليق