إيش ألبس لعزيمة رسمية ؟ - تنسيقات -

السلام عليكم ،

أهلا بجميلاتي .. طولت الغيبه عن البلوق في الفترة اللي راحت لظروف الدراسة و التخرج
والحمدلله خلصت و راجعة لكم بكثير أشياء

بوست اليوم هو تكملة لسلسلة ( إيش ألبس ؟ )
سبق ونزلت بوستين ل إيش ألبس لجمعة صديقاتي ؟
هنا و هنا

اليوم راح يكون إيش ألبس لعزيمة رسمية ؟
حاولت أنوع بالتنسيقات .. لكن حرصت على انها تناسب جو العزايم عندنا
الماكسي و الميدي بالنسبة لي أفخم
وطبعا لكل مقام مقال .. بالنسبة لي العزيمة الرسمية أنسب لها المحتشم
أخليكم مع التنسيقات و ان شاءالله تحبونها ..

وبس ان شاءالله تكونون حبيتوا .. واكتبولي اقتراحات لأهم الطلعات اللي ودكم أكمل عليها سلسلة ( إيش ألبس ؟ )

شكرا و أحبكم

بشاير .

تنسيقات ساترة ومحتشمة

السلام عليكم ،
أهلا جميلاتي .. بوست اليوم هو فكرتكم
كثير يجيني تعليقات انهم يبغون تنسيقات تكون ساترة و محتشمة ومره كنت حابه أسويه
لأن بنظري إذا عرفناله صح بيطلع الشكل مره أنيق و راقي و يكفي انه من البروتوكلات الملكية
لو حبيتوا ممكن أرجع أنزل كم بوست بنفس الموضوع
أخليكم مع التنسيقات ( اللي الهدف منها الفكرة بس مو نفس القطع )

وبس ان شاءالله تكونون استفدتوا وحبيتوا البوست

ألقاكم في بوست ثاني قريب

شكرا و أحبكم

Eleganza

كيف أستغل التخفيضات ؟ و أفضل مواقع الآوتلت العالمية

السلام عليكم ،
أهلا جميلاتي .. بوست اليوم خفيف بس أحسه مهم
وكثير يبونه .. وهو انه كيف تستغلين التخفيضات و الآوتلت ( الماركات المخفضة )
طبعا أحسن طريقة انك لما تسافرين تخصصين يوم للآوتلت و يكون قبل ما تبدين الشوبنق عشان على أساس اللي خذتيه تكملين
بس مو دايم راح تحصل لك .. فأنا بعطيكم أحسن الحلول أون لاين!

هنا كم موقع معروف يبيع ماركات مخفضة و كلهم أشياءهم جديدة يعني أغلبها من الموسم الماضي أو اللي قبل :

TheOutNet

حلو مره خصوصا باللبس والسهرة وعندهم كمان من كل شي .. هو يعتبر الآوتلت حق Net-a-porteir

BlueFly

غني عن التعريف .. حلو بالشوزات و الإكسسوارات وكذا

Saksoff5th

آوتلت ساكس! جمييل

TheLastCall

آوتلت موقع ومحل  Neiman Marcus المعروف


6pm

توني عارفة هالموقع حبييييته مره .. تخفيضاته تسوى وعنده كثير ماركات .. ( طلو على كعوب زانوتي جمييلة )

Overstock

هالموقع متنوع فيه كل شي .. بس حبيت الأثاث فيه وإكسسوارات البيت مره

Zappos

توني أدري انه يعتبر آوتلت .. كنت ملاحظة أسعاره انها حلوة

Yoox

بعد هذا حلو وماركاته مختلفة

Gilt

لا يفوتكم هذا الموقع .. بس يحتاج تسجيل بالإيميل
تخفيضات قوية مثلا فستان سهرة كارولينا هيريرا كان ب٢١ الف صار ب٤!

Amazon Outlet

آوتلت موقع أمازون

هذا بخصوص المواقع العادية اللي تخفيضات وتتسوقين منها .. فيه مواقع توفر تخفيضات سرية وعلى قطع أغلى
ممكن تبحثين عنها بكلمة Secret Sales هذي تحتاج تسجيل والعروض توصلك عالإيميل

كمان أي موقع تدخلينه شيكي على قسم الSales فيه قبل لا تبدين تتسوقين منه .. و لما تعبين سلتك من أي موقع
اكتبي اسم الموقع بقوقل وحطي جنبها Coupouns وبيطلع لك لو فيه أكواد تخفيض جديدة خاصة بالموقع تحطينها قبل لا تنهين الطلب
وأحيان كثيرة المواقع تكون عاملة عرض عالشحن وحاطتلك كوبون تحطينه من نفس الموقع .. بعد استغليه

و بس ..
اذا حبيتوا هالنوع من البوستات ممكن أبدا سلسلة ( التسوق بذكاء )
اكتبولي بالكومنت سواء هنا أو إنستقرام

شكرا و أحبكم
Eleganza

Skinny Girls Fashion - أناقة النحيفات / نصايح

السلام عليكم
أهلا جميلاتي .. حسب طلبكم زي ما كتبت عن ستايل المليانات الحين نتكلم عن ستايل النحيفات
أول شي إذا ما طليتي على البوست اللي كيف تسمنين نفسك و تجربتي شوفيه هنا
ثاني شي هذي نصايح لأشياء تناسبك بشكل عام و قصات :

١- البيبلوم :

قصة تعطي حجم و شكل أجمل و أنثوي لأي جسم .. مره مناسبه سواء توبات أو تنانير أو فساتين و موضتها مازالت مستمرة ..

٢- الجينز السكيني

٣- التنانير بقصة ال A

٤- تنانير الهاي وست أو ال Pencil skirts

٥- الألوان الفاتحة و المشرقة

٦- و أخيرا التوبات أو الفساتين اللي فيها تفاصيل عند الأكتاف

أول فيديو لي عاليوتيوب : البسي نفس الجمبسوت بخمس طرق مختلفة - My first youtube video : 5 ways to wear a jumpsuit

أهلا جميلاتي .. فتحت مؤخرا قناتي باليوتيوب ونزلت فيها أول فيديو
إذا حبيتوه و حابين أكمل لا تنسون اللايك و السبسكرايب
و أرحب بتعليقاتكم و ملاحظاتكم و إقتراحاتكم

شكرا و أحبكم
بشاير

تنسيقات الحجاب ! - Hijab Syle

السلام عليكم ..

أهلا جميلاتي .. بوست اليوم كثير ينطلب مني وهو انه تكلمي عن لبس الحجاب

والحين بما ان الصيف وموسم السفر قرب قررت اكتب عنه للمرة الثانية بما ان اول مزه كانت تنسيقات شتوية ..

أول شي التنسيقات اللي سويتها على حسب ما قدرت القى من القطع لكن في الواقع اكيد قصدي انها تكون تنفع للحجاب يعني أوسع - أكمام أطول ..الخ

و نصيحة مني ابتعدي عن الزحمة أولا عشان ما يتعارض مع شكلك كمحجبة ثاني شي راعي ان السفر يحتاج شي عملي ومريح و حتى عشان ما تحسين بالحر فكل ما قدرتي تقللين القطع بشكل ساتر يكون أحسن ..

( ملاحظة: بعض القطع حطيت الوان الحجاب المقترحة لاني مالقيت سكارفات مناسبة .. احلا شي السادة و السترتش من وجهة نظري )

نبدا :

وبس أتمنى تكون عجبتكم

شكرا و أحبكم ❤️

زيارتي لبوتيك لاتي - Lati boutique's Event

وصلتني دعوة من يومين من بوتيك لاتي الموجود في مملكة المرأة جنب جيفنشي لحضور إيفنت Lati in Wonder Land
بمناسبة إطلاق كولكشن ربيع ٢٠١٤ ..

حضر الإيفنت مجموعة من البلوقرز ومحبين الموضة و كلمتنا صاحبة البوتيك لطيفة السديري عن البوتيك و أخذتنا في جولة لكل التفاصيل ..
بوتيك لاتي هو بوتيك مهتم بفساتين السهرة و الملابس الراقية .. يقدم للمشترية تجربة شراء ممتعة
بالرغم من أسعار الفساتين المعقولة إلا أن تجربة التسوق في لاتي تضاهي الماركات العالمية من حيث جودة الآقمشة و ديكورات المحل و غرفة القياس و حتى أكياس التسوق .. نقلت لكم صور مختلفة للبوتيك و بعض المصممين اللي لفتو نظري ..

من أكثر الأشياء اللي لفتت إنتباهي هي الحملة الخيرية اللي أطلقها البوتيك بالتعاون مع جمعية النهضة
وهي إنه مقابل كل عملية شراء يتبرع البوتيك بقيمة ٥٠ ريال من آرباحه لأحد البرامج الموضحة بالصورة و يسمح للزبونه الاختيار بينها

التفاصيل في غرفة القياس بين الإضاءة الجميلة و الإقتباس على الجدار و ستيج صغير توقفين عليه قدام المرايه و غير كذا مرايه في الخلف تقدرين تلفينها عشان تشوفين كل زوايا الفستان

هذا المصمم الأمريكي فستانه ينلبس ب ١٥ طريقة كل مرة يطلع كأنه فستان جديد! حبيت الفكرة جدا

ماريا لوسيا المصممة الرومانية أكثر فساتين شخصيا ناوية عليها .. أنثوووية بشكل!

ماركة LUM للمصممة السعودية لمى طاهر

 فساتين حبيتها ..

حبيت واجهة الدبيع كثييير من تصميم mint design

أكاونت لاتي في إنستقرام : @Lati_Fashion
www.lati-fashion.com

وبس أتمنى تكونون حبيتوا البوست
LoveEleganza .