السلام عليكم ، أهلا جميلاتي
في البوست تفصيل كامل لروتين الفاونديشن اللي معتمدته .. توضيح : نوع بشرتي جافة بس الروتين مناسب للدهنيه بس تضيف باودر و تكنسل برايمر قيرلان
أول شي أبدأ بتنظيف بشرتي وترطيبها بعدين مرحلة البرايمر :
عاليمين برايمر The POREfessional من بنفت أحطه فقط على منطقة الأنف عشان المسامات ( البشرة الدهنية توزعه كامل الوجه )
و عاليسار بيس من قيرلان MÉTÉORITES PERLES أخذت شفاف اللي فيه لمعه يستخدم قبل وبعد الميك اب يعطي نضارة قبل و بعد يعطي ديوي فنش ( لمعه خفيفه )
بعد كذا إذا كان فيه أثر لحبه أو جرح أو أي شي حابه أخفيه بالوجه أحط منه شوي بكونسيلر بنفت Erase Paste
لوني أخذت ميديم هو ثلاث درجات .. ممتاز للبشرة الجافه و العاديه لأنه كريمي و ممتاز للهالات لأن درجته على أورنج فكأنه كوركتر وكونسير بنفس الوقت .. بس في هذي المرحله ما أغطي الهالات بس بهذي الفرشه من ريل تكنيك أغطي أي أثر
بعد كذا .. فاونديشن قيرلان lingerie de peau شفتوا حبي له بانستقرام لما انكسر ورحت جبت نفس الدرجه وتعذبت لما لقيته! المهم انه بالنسبه لي فاونديشن ممتاز كتغطية و بنفس الوقت ما ينشف الوجه ولونه ودرجته مره حلوه
جدا مرتاحه معاه .. أوزعه بيدي على كامل الوجه و الرقبه وبعد كذا أوزعه بالبيوتي بلندر ( تكون رطبه شوي يعني أغسلها بعدين أنشفها شوي تصير منديه بس )
بعدين الكونسيلر أحيانا بعد ما أخلص مكياج عيون وأحيانا قبل حسب المزاج و فضلت طريقة الطبطبه بالاصبع عالهالات على البيوتي بلندر حسيت تغطيه أفضل و يطول أكثر
و آخر شي الكونتور والهاي لايت :
غالبا بروتيني اليومي أحب الكونتور الباودر لأنه طبيعي و لون قريب من بشرتي ( بالصوره طالع غامق بس هو أفتح )
أستخدم فيه باودر TERRACOTTA من قيرلان رقم 03 Natural و أوزعها بفرشة الكونتور من ريل تكنيك على طريقة رسم رقم 3 عالوجه من الجهتين و كونتور لحواف الأنف من الجهتين
وللهايلات أرجع أستخدم بيس قيرلان عى منطقة فوق الخدود و الأنف من فوق و وسط الجبهه و الدقن
وبس ..
ان شاءالله كان البوست مفيد
شكرا و أحبكم
Eleganza
ليست هناك تعليقات:
إرسال تعليق